Konkursi
Nisma e të Rinjve për të Drejtat e Njeriut vazhdon rrugën drejt Evropës. Pas suksesit dhe mundësisë që ju dha 45 të rinjve që të udhëtojnë nëpër shtete dhe kryeqytete të ndryshme të Evropës në verën e vitit 2007 dhe 2008, YIHR -ja sërish organizon projektin ”Udhëtim në Evropë”.
Sivjet YIHR-ja do t’iu ofrojë mundësinë e njëjtë 30 studentëve më të mirë të Universiteteve kosovare. Fituesit e konkursit fitojnë viza Shengen (30 ditore), bileta treni Inter-rail, kartela studentore EURO 26 ose ISIC për verën e vitit 2009, për udhëtimin nëpër Evropë sipas zgjedhjes së tyre.
Kushtet elementare për përzgjedhje janë:
* Kandidatët/et duhet të jenë studentë/e të vitit të fundit të studimeve dhe absolventë/e të moshës deri në 26 vjeç (kandidati/ja duhet të dorëzojë një vërtetim për vitin e fundit të studimeve)
* Nota mesatare duhet të jetë më së paku 8,5 (kandidati/ja duhet të dorëzojë kopjen e indeksit ku tregohen provimet e kaluara dhe dokumentin ku tregohet nota mesatare – certifikata e notave)
* Njohja e gjuhëve të huaja – anglisht, gjermanisht, frëngjisht, spanjisht ose italisht
Prioritet do të kenë ata kandidatë/e të cilët/at deri më tani nuk kanë pasur rastin të udhëtojnë jashtë vendit.
Kandidatët/et e interesuar/a duhet të dërgojnë aplikacionet e tyre bashkë me dokumentet e kërkuara deri më 24 Qershor 2009, përmes postës ose personalisht në adresën:
Për konkursin “Udhëtim në Evropë”
Nisma e të Rinjve për të Drejtat e Njeriut
Rr. Perandori Dioklecian 14, 10000 Prishtinë
Vetëm aplikacionet e kompletuara të cilat arrijnë në adresën e caktuar do të merren parasysh. Aplikacionet e dërguara pas mbylljes së konkursit ose të cilat përmbajnë të dhëna të pasakta nuk do të merren në shqyrtim.
Informata shtesë mund t’i merrni në telefonin 038/248-509, duke shkruar në e-mail adresën: travellingtoeurope@gmail.com apo duke vizituar ueb faqen: www.travellingtoeurope.net